Nok eit år tikkar mot slutten, og det er på tide med eit kjapt tilbakeblikk på kva som hende på Strandvikjo.no i 2014. 

Januar:
Den store hendinga på Strandvikjo.no i januar var at heile 3 ungdomar frå bygda gjekk vidare i Ungdommens Kulturmønstring.

Februar:
I februar arrangerte Strandvik Skyttarlag krinsstemne på 15 meter bane. På Handelslaget vart det arrangert krimkveld med kjende forfattarar. Magne Tuft mottok H.M. Kongens fortenestemedalje.

Mars:
I mars kom forfattar Bente Bratlund til bygda for å signere boka si «Fra livets minnebok».

April:
I april skjedde det mykje. Fyrst klinka Strandvikjo.no til med ein aprilspøk der leiketøyprodusenten LEGO skulle begynne å selje Strandvik kyrkje som byggjesett. Så synte Anni Bolstad og Vigdis Tholo von Ahnen kunstutstillinga si på Handelslaget. Bo Mathys gjekk heile vegen til Trondheim i Ungdomens Kulturmønstring. Bortimot seksti personar frå Fusa-halvøya deltok i internasjonal fest i Strandvik Grendahus. Åse Andersen og Nils Idar Henjum sparka i gong motorsyklane, og starta på «den lange vegen rundt». Så fekk me eit svært sterkt portrett-intervju med Lars Kristian Kvåle. Til slutt gav dugnadsdyd bygdefryd.

Mai:
I mai lanserte KeepFit nettbutikk med treningsklede, og bygda feira sjølvsagt nasjonaldagen.

Juni:
I juni vart det arrangert ein strålande marknad. Me fekk eit tilbakeblikk frå Breistølshytta. Det vart arrangert eit vellukka regionmeisterskap og NM i volleyball. Til slutt fekk me ein flott jonsok.

Juli:
I juli vart det tradisjonsrike Strandvikløpet og Strandvik Open halde. I tillegg vart Ronald Valvatne Noregsmeister.

August:
I august reiste Strandvik Skyttarlag til landsskyttarstemne i Sandnes.

September:
I september måtte me dessverre ta farvel med Bygdekvinnelaget. Grendahuslaget arrangerte ein av fleire vellykka bingoar.

Oktober:
I oktober vart det halde minnekonsert for Jon Jelmert. I tillegg kunne me lesa om at murar er inga hindring.

November:
I november vart det litterær heilaften av det kriminelle slaget i Grendahuset.

Desember:
I desember var det julemarknad i Grendahuset. På Kletten møtte me Strandviknissen. Så fekk me ein julesong med lokal vri. Bygdautvalet plasserte ut flotte steinbord- og benkar. Til slutt fekk me sjå revyen Strandvikjo Goes West.

Gjennomsnittleg har me hatt heile 2450 unike besøkande innom nettstaden kvar månad dette året, ei auke på ca. 31% frå i fjor. Me har óg fått 621 personar som likar oss på Andletebokjo, ei auke på ca. 37% frå i fjor.

Om redaksjonen skal ha eit ynskje for 2015, er det fleire bidrag frå lesarane våre! Strandvikjo.no driv seg ikkje sjølv, og det begrensar seg kor mykje tid ein kan leggje i nettstaden på friviljug basis. Me ynskjer at du som lesar sender inn hendingar til kalenderen, tips til artiklar/nyhende og ikkje minst; legg gjerne igjen ein kommentar under artiklane. Dette vil lette arbeidet for oss. Kanskje startar kommentaren din ein større debatt kring aktuelle tema i bygda? Om du ynskjer å få publisert ein artikkel, nyhende, dikt, forteljing eller historie som du har skrive sjølv, ikkje nøl med å ta kontakt då heller!

Me reknar med du følgjer oss i 2015 óg?

Godt nytt år!