Strandviknissen inviterer til Kletten

By | 2016-11-18T21:04:16+00:00 18 november 2016|Arrangement|

Søndag 4. desember kl 16:00 vil eg, Strandviknissen, igjen invitera alle i heile verden på Kletten til årets åpning av hytto mi.

Detta gleda eg meg so mykje til. Eg gleda meg til å sjå alle dei blide fjesene som var der i fjor, og håpa det blir enno fleire i år, store som små.

I år som årene før kan de møta opp frå klokka 16 på Kletten. Når alle er nøgd går me samla i fakkeltog ned gjennom skogen til handelslagsfjøra og tenner bål med alle faklane. Faklane kan de kjøpa hos mine gode hjelpara for 20 kroner.

Ta med dykk hovudlykt eller anna lyskjelde då det også i år kjem te å bli tidleg mørkt og stien kan vera vanskeleg å sjå i mørkna. Ta også på dykk gode klede, fottøy og gjerne regnklede om meldingane ikkje e so bra. Vegen opp te Kletten kan vera litt blaut når da har regna. Te neste år håpar eg at me saman kan laga ein litt bedre veg opp te Kletten.

Kanskje me saman kan skipa te dugnad i løpet av året, da hadde eg likt. Dugnad er eg stor ”fan” av, om eg skal sei det slik. Då treff ein kjekke folk som vil jobba saman mot same mål. Og so kjem ein seg ut av huset og får bevega seg litt. Når ein bevegar seg i leik, på trening eller på dugnad slepp ein laus noke som heiter endorfiner som er inne i kroppen. Desse endorfinene gjer kroppen og toppen gla. Så når ein beveger seg ofte blir ein oftare gla, og da e bra.

Julelysene i huset mitt blir tend når me e klar for det. Desse ska lysa over Strandvik i heile desember og litt til.

Eg har fått mange ynskjelister frå både unge og gamle. Ynskjelister e da kjekkaste eg får. Alle som vil kan leggja igjen ynskjelista si her oppe hos meg denne dagen, eller i luka mi resten av året. Eg er innom kletten av og til for å sjå om det er noko i postkassen min.

Eg ynskjer alle i heile verda velkommen. Me sjåast på Kletten!

Helsing Strandviknissen